KULIMPIRAH (ikan sebelah)

Ini bukun sui-sui, sa' ini hambu'uk kata-kata (dongeng) sin bangsa ta..

Aun hambu'uk hula' halaum dagat sa' dih' kaingatan haunu in kiabutangan sabab in kata-kata mahang magpamaitah'.

hambu'uk masa hi istah kulimpirah na nawag-tawag ha katan istah halaum sin mairan nila, nagpasampai sia lapal kunu' hi istah kaitan manga'un na wai biddah hi siu-siu hadja in kalanggalan nia.
KULIMPIRAH : Hui, katan kamu manga istah, pagui iban tapuk na kamu biha'un, pasalan hi kaitan mangaun na wai biddah. hi siu-siu hadja kalanggalan nia, tu'unun nia tibu'uk.
IBHIS : Makabuga' san sui-sui yan.. subai kita niu humalli'.
KULAPU : Maitah' baha' hi kaitan yan mangaun na katu' niu, marai' aun sabab nia yan?
DAUTDUTAN : Ayau na kamu mag palugai, magui kita niu biha'un..
Na nag paguyan na katan in istah ha kauman ya'un, hi istah kulapuh timapuk na palaum kabatuhan, hi istah dautdutan nag daganan na madtu mari limawag pag tapukan nia, hi isaah kulimpirah simuksuk na palaum pisak. in kaibanan kaista'an nag dagan na kania-kania limawag pag tapukan nila supaya di' kabakan hi kaitan. ampa in istah ibhis nag puun katan nag paragbus bia' istah kaitan malu-malu.

Miagui na in ba'anan istah ibhis, nag sabtan na kapag langgal iban kaitan.

KAITAN : Arey.. maitah' na kamu yan manga ibhis, unu in naka pa pikilan niu yan nag paragbus kamu biah kaitan malu-malu yan? kiugdan kamu sin lagtang? hehehehehe
IBHIS : Ayau mu kami ka'una kaitan, maulung na kau kamu', dik sakan kan suban kuma'un kamu'. kulang in unud iban sibi'-sibi' saini kami.
KAITAN : Anduh' isab, maitah' baha' naka pamung kamu biahan kaku' manga ibhis... wai manga na niat ku kumaun kaniu.. malasah saini iban makasi aku ha katan istah di ha kauman ta..
IBHIS : Maingkan, laung hi Kulimpirah kaina hi siu-siu hadja in kalanggalan mu ka'unun mu kunu'.. hangkan na saini nag paguyan na kami katan, sampai na manga kami nag paragbusna biah' kaitan malu-malu bat dih' ka'unun mu.
KAITAN : Ui..!! Maitah' isab hi Kulimpirah yan na mung biadtuh? wairu'un manga na niat ku kumaun kaniu katan.. maraih' kamu diupang hi Kulimpirah.. bat sia yan kita'a niu hadja in dagbus nia mangdurupang.. bula'ug sia yan!... kadtu na kamu uih' iban baita'i niu katan manga istah ha kauman ta, dih aku kuma'un kaniu sah diupang kamu hi Kulimpirah..
Minuih' na in manga Ibhis katan halaum karugalan iban nag durubdub..

IBHIS : Hui!!!! Guah' na kamu katan, bat diupang na saini kita niu hi Kulimpirah.. wai manga hi Kaitan na ka pamung kuma'un katuh' niu katan..

Nag gua'an na katan in manga istah ha kauman ya'un, nag hilu hala' in kaibanan ha sabab diupang sila hi Kulimpirah.. kia dunghugan hi Kulimpirah in pag hilu hala', pag dub-dub iban pa nukna'-sukna' kania. Timapuk nag balik hi Kulimpirah palaum pisak.

KULAPU : Wai tu'ud kalagihan hi Kulimpirah ini, diupang nia kita tuih'.. asal sia yan dih mamapatut in kakahinang nia yan, guah' kau Kulimpirah, sig sagun ta na kau yan mag dua!!!
DAUTDUTAN: Sung.!! pag sama-samahan natuh' lagun sia!!! wai tud guna nia yan!!!

Nag lag na in manga ka istah'an.. hi Kulapu simuksuk na palaum kabatuhan nag lag kan Kulimpirah, in manga istah kaibanan pun nag lag na kania halaum kauman nila. Hi Dautduan isab, pia tindug nia na in tunuk nia ampa sia nag gulung-gulung ha ka pisakan..

KULIMPIRAH : Arui!!!!!!! ampun na aku Dautdutan, liatus na saini aku sin tunuk mu yan. dih na aku mag isab-isab mag balik hi minang sin kakahinang ku di mupang kaniu katan..
DAUTDUTAN : Patayun ta sa kau yan Kulimpirah, dih tud mapaut in kakahinang mu yan kamu' katan.. sah bia ini na, ayau sampai kau kalagan sin istah katan, marayau pa ig na kau dain di ha kauman ini.. mang kau yan kalanggalan nila wai pag isa dua sig sagun nila kau yan iban patayun nila tu'ud kau..
Biutanan na hi Dautdutan in tunuk nia, naka ig na hi Kulimpirah, na nui uyan na hi Kulimpirah mi nig daing ha kauman nila.. hangkan na san sampai pa bihaya'un in istah kulimpirah nag tatapuk hadja halaum buhangin iban na ngandi-kandi daing ha kaibanan ka istah'an. Maluman iban mabugah mag pakitah ha kaibanan istah..